LAOAG CITY – Saan nga inekspaktar ni Will Ashley kalpasan ti pannaka-gun-odna ti Best Supporting Actor trophy para iti “Bar Boys: After School” iti kalepleppas laeng a 49th Gawad Urian idiay De La Salle University-Manila.
Mainaig iti daytoy, karaman kadagiti nominado para iti nasao a pammigbig ket da Joshua Garcia, Nanding Josef, Enrique Gil, Lain Glen, Amado Arjay Babon, Rico Blanco ken ni Will Ashley a kaubingan ken agdadamo nga aktor gaputa maika-limana pay laeng a pelikula ti “Bar Boys: After School” nga iso ti nakaalaannan ti tropeo.
Kalpasan iti daytoy, in-post ni Will iti Instagram account-na ti video kabayatan ti panagyamanna iti nagun-odna a pammigbig.
Kinunana a kas iti pelikulana, ti pannakangabakna kas Best Supporting Actor ket para kadagiti agar-arapaap nga agbalin nga abogado ken para kadagiti ag-take ti bar exams a saan a nakapasa iti umuna a gundaway a saanda a maawanan ti namnama nga ituloy ti arapaapda iti biag.
