LAOAG CITY – Kinumpirmaran ti biang ti Philippine National Police iti ili ti Burgos nga adda ti maysa a wind turbine no. 37 ti nauram iti boundary ti Bgry. Poblacion agingga iti Brgy. Nagsurot iti nadakamat nga ili.
Segun ken ni Senior Fire Officer 4 Roy Bunuan iti Bureau of Fire Protection iti ili ti Burgos, ti nauram a wind turbine ket 10 a tawenen sipud idi naipatkder.
Kinunana a nangrugi ti uram iti 11:28 ti bigat ken na-fire out daytoy iti 1:40 ti malem.
Basar iti Philippine National Police iti ili ti Burgos, dagos a nagresponde dagitoy pakairamanan ti Bureau of Fire Protection iti nasao a lugar.
Kabayatanna, mannarimaan pay laeng ti naan-anay nga imbestigasion ti biang dagiti otoridad no ana rason ti namunganayan ti pannakauram ti wind turbine.
