LAOAG CITY – Naboong ti winshield wenno makinsango a sarming ti patrol car ti PNP ti ili a Pinili kalpasan nga aksidente a natennagan ti natukkol a sanga ti eukaliptos.
Segun ken ni PO2 Farley Jay S Fernandez, nangiturong ti nasao a patrol car nga addaan iti Plate No. SJH 273, manarimaan ti panagpatrolya da kadua na ni SPO1 Noel D Gamit kas paset ti “road clearing operations” iti panagtudtudo na, idi adda dan iti paset ti Bgy. Badio ti nasao nga ili idi mapasamak ti nasao nga insidente.
Awan met ti nadangran kada Fernandez ken Gamit iti nasao a pasamak ken saan pay nga ammo no mano ti balor ti nadadael a sarming.
Nupay kasta, nakasagana ti cuerpo ti pulisya a mangsukat ti naboong a sarming gapu ta aksidente ti nasao a pasamak.
