LAOAG CITY – Inlawlawag ni Mr. Christian Andrew Rillorta, ti Regional Communications Officer North Luzon 1 iti Social Security System no kasano ti Investment Pogram wenno maaw-awagan a Workers Investment and Savings Program Plus.
Segun kenni Rillorta, daytoy ket nayon iti nairubwat iti napalabas a tawen ken ita ket awanan ti limitasyon na.
Daytoy ket gapo ta iti napalabas a tawen ket para laeng kadgaiti miembro nga addaan ti maximum contributions idinto nga iti Workers Investment and Savings Program Plus ket mabalin nga ag-invest amin dagiti miembro.
Kunana a no ag-invest ket nayonan laeng iti 500 a pisos ti bayadan iti kada bulan ken maaddaan to ti porsiento dagitoy.
Mainaig iti daytoy, iti ummuna a tawen ket mabalin a mai-withdraw daytoy no dagiti miembro ket no naikkat iti trabaho wenno na-repatriate nga OFW.
Iti met maikalima a tawen, kunana a mabalin ton a maala ti nainvest a kwarta ken daytoy ket tax free ken adda laeng ti maysa a porsiento a service charge.
Kabayatanna, inlawlawag na a no bumagsak man ti merkado gapo ta agdepende iti taray ti ekonomiya, maisubli ti buo a principal money ti miembro.
