LAOAG CITY – Indeklarar ti World Health Organization ti polio outbreak iti Papua New Guinea ken nagpanawagan ti dagus a panangipatungpal ti vaccination campaign.
Basar iti report, naduktalan iti samples ti highly infectious virus iti dua a nasalun-at nga ubbing kabayatan ti routine screening iti Lae, ti coastal city in amyanan a daya ti pagilian.
Inpakaammo ni Sevil Huseynova, ti mangibagi iti World Health Organization iti Papua New Guinea, nga arigna kagudua ti populasyon iti pagilian ket nabakunaanen kontra iti nasao a sakit.
Inpalgak na a kasapulan nga agaramid da a dagus ti addang gapu ta mabalin a maiwaras pay ti nasao a sakit iti ruwar ti Papua New Guinea.
Innayon na a masapol nga ikarigatan da nga ipatungpal ti 100% vaccination coverage iti nadakamat a pagilian.
