LAOAG CITY – Nasertipikaran kas malaria-free ti Egypt babaen ti World Health Organization (WHO).
Dinayaw ti United Nations Public Agency ti pannakasertipikar a malaria free ti Ehipto ken ibilang da daytoy kas “truly historic”.
Inbatad ni World Health Organization chief Tedros Adhanom Ghebreyesus a ti malaria ket katawenan ti mismo nga Egyptian civilization ngem maibilang laengen daytoy a pakasaritaan ti nadakamat a pagilian.
Maipaay ti nasao a sertipikasyon no maipaneknek ti pagilian a ti transmission chain ket nalapdan iti nagsasaruno a tallo a tawen.
Maipalagip a ti sakit a malaria ket pakatkatayan ti agarop 600 a ribo a tattao iti kada tawen iti Africa.
Ti Egypt ti maikatlo a pagilian a sinertipikaran ti World Health Organization kas Malaria-free iti Eastern Mediterranean Region, immuna ti United Arab Emirates ken Morocco.
