LAOAG CITY – Inbatad ni Defense Secretary Gilberto Teodoro Jr. a napateg a mapagsaritaan ti isyu ti presensia ken panagserrek ti China iti West Philippine Sea (WPS) iti 2028 national elections.
Segun ken ni Teodoro, ado dagiti karit a masangoanana ti Pilipinas ken masapul a masaluadan dagiti yamang-dagat daytoy.
Kunana pay a sumango pay ti karit ti pagilian iti iseserrek ti China iti South China Sea ken sabali pay a kabangibang a kabaybayan.
Kabayatanna, kuna met ni Lanao del Sur Rep. Zia Adiong a masapol nga agbalin a kangrunaan a mapagsasaritaan iti eleksion ti interes ti Pilipinas iti West Philippine Sea.
