LAOAG CITY – Ngimmato manen iti Women’s Tennis Association (WTA) ranking ni Pinay tennis star Alex Eala.
Iti kaudian a ranking ket adda iti maika-57 itan ni Eala.
Nairuar ti ranking sakbay ti pannakaiyuswat ti WTA 125 Jingshan Tennis Open a mangrugi met intono Setyembre 22 agingga iti 28.
Maipalagip a ngimmato ni Eala kalpasan a nag-runner up iti WTA 250 Eastbourne Open iti Great Britain idi bulan ti Hunyo.
No agballigi ti Pinay tennis star ket mairekord na manen ti career high iti ranking.
Sumagmamano a torneo ti pakipagpasetan ni Eala kalpasan ti Jingshan Tennis Open ket makilaban iti Suzhou Open manipud Setyembre 29 agingga iti Oktubre 5.
