LAOAG CITY – Nagngudon idi Oktubre 31, 2024 ti maternity leave ni Yasmien Kurdi iti Kapuso Network ngem nagpaiyalud-od isuna agingga inton Enero 2025 gapu ta adda ti linuktanna a baro a negosio nga isu ti pakakumikomanna iti agdama.
Nagpasngay si Yasmien idi Abril 2024 iti maikadua nga anakna iti asawana a ni Rey Soldevilla.
Naammoan a kalpasan a naganak ti aktres ket nangala isuna ti business franchise a daytoy ket nalatak idiay Japan.
Kabayatanna, addaan daytoy ti kiosk iti 4th level ti Market Market idiay Taguig.
