LAOAG CITY – Inbutaktak ti aktres a ni Ynna Asistio a na-ghosting ti dati a Kapuso actor a ni Mark Herras a nagbalin a nobyo na ti agarop walo a tawen.
Ni Yna ket anak ti beterana nga aktres a ni Nadia Montenegro.
Segun ken ni Yna, isuna ti naudi a nakaammo a nagsina dan ken ni Mark gapu ta addan ti sabali a kadedate na iti dayta a gundaway, ti dati a beauty queen-turned actress nga asawan nan iti agdama a ni Nicole Kim Donesa.
Inadmitir ni Yna a sinangsangita na ti napasamak kadakuada ken ni Mark aglalo ket awan ti pormal a breakup da.
Nupay kasta, kuna na nga amin a sugat ken sakit a narikna n ket pinaglunit ti panawen.
Para iti aktres, God-given gift kenkuana ti non-showbiz husband na a ni Bully Carbonell kasta met ti agtawen ti uppat nga anak na a ni Ava.
Innayon na a dimteng iti biagna ni Bully iti panawen a naan-anayen a nakalipat manipod iti napalabas a relasyon na.
Nakikallaysa ni Yna iti asawa na idi Agosto 8, 2022 no sadinno nga iti sumaruno a tawen ket dimteng iti biagda ti umuna nga anak da a ni Ava, ti kaunaan nga apoko ni Nadia Montenegro.
