LAOAG CITY – Agserbi kas flag-bearer para iti Pilipinas ti Filipino gymnast a ni Carlos Yulo a nakagun-od ti dua a balitok a medalya ken ti Filipina boxer a ni Aira Villegas a nakagun-od met ti bronze medal iti panagleppas ti Paris 2024 Olympics.
Manamnama a maiyuswat ti closing ceremony ita nga aldaw ti Domingo idiay Stade de France.
Makadua da Yulo ken Villegas iti closing rite da Petecio ken Paalam pakairamanan da weightlifter nga isuda Elreen Ando, Vanessa Sarno ken John Ceniza ken hurdler a ni Lauren Hoffman.
Makadua pay dagiti delegado da Mitch Martinez, Reynaldo Galido, Donald Abnett, Elmer Pamisa, Ronald Chavez, Louise Gopez, Bethel Solano, Christopher Bureros, Antonio Agustin ken Marcus Manalo.
