LAOAG CITY – Nagkedked ni dati nga Ako-Bicol Partylist Representatives Zaldy Co nga awaten ti order to file counter-affidavit ti Office of the Ombudsman.
Segun kenni Ombudsman spokesperson Mico Clavano, naited da ti order iti kaudian nga address ni Co ngem saan nga inawat dagiti tattao nga adda iti lugar.
Iti nasao nga order ket pagsungsungbaten na ni Co iti reklamo a naipila kontra kenkuana iti naikeddeng a panawen ken no mapaay daytoy nga agsungbat ket maikonsidera ti “default”.
Naamoan nga iti pawayway a naited ket usaren ti prosecutors dagiti amin a naisubmitir a dokumento pakairamanan ti affidavit ti complainant kas kakaisuna a pagbasaran para iti resolution.
