LAOAG CITY – Saan nga agbalin a prioridad ni dati nga Ako Bicol Partylist Representative Zaldy Co nga agtestigo kontra ken ni Presidente Ferdinand Marcos Jr. no bilang adda ti impeachment case kontra iti Presidente.
Inbatad ni Atty. Ruy Rondain ti abugado ni Co a saan daytoy ti rason isu a nangiruar ni Co nga ak-akusaranna ti Presidente.
Sinaludsodna mismo ti agpanpanday linteg no ania ti prioridad ken kunana a saan a ti impeachment.
Immunan nga inlawlawag dagiti imbestigador a saan a mausar dagiti rakurak ni Co gapu ta saanna a sinapataan dagitoy iti korte.
Maipalagip a nangiparuk-at ti video ni Co nga inakusaranna ti Presidente a maipagarup nga akin-utek kadagiti mapaspasamak a korapsion ditoy pagilian.
