LAOAG CITY – Adda dagiti rumrumuar a baro a nagan dagiti maiparit a paputok iti pagilyan kageddan iti umadani a Paskua ken Baro a tawen.
Karaman kadagiti baro a nagan dagiti paputo ket ti “Curlee ken “Sarah Discaya,” “Zaldy Co,” “Senator Imee,” “Tino,” ken “Uwan.”
Segun ken ni Provincial Director idiay Bulacan a ni Col. Angel Garcillano, inaramid dagiti sumagmamano a pabrika idiay Bulacan dagiti paputok ket impanagan da kadagiti personalidad.
Nupay kasta, inbatad ni Bocaue PNP a mangiyuswat da ti regular inspections gapo iti maipagarop a pannakailako dagiti illegal ken maiparit a paputok nga addaan ti nagan a kas kadagiti pulitika ken kontraktor a karaman iti flood control scandal.
Kabayatanna, pinaigetan da ti operasion kontra kadagiti illegal manufacturers nga agar-aramid ti delikado a paputok.
