LAOAG CITY – Nakairekord ti Iba, Zambales ti kangatoan nga heat index level a dimmanon ti 53°C ita a lawas kas maibasar iti Philippine Atmospheric, Geophysical, and Astronomical Services Administration.
Nairekord met ti ‘danger level’ ti heat index wenno sobra a pudot ti paniempo kadagiti 36 a lugar ditoy pagilian pakairamanan ti Dagupan City idiay Pangasinan iti kangatoan nga heat index a 47°C.
Sinaruno daytoy ti Aparri, Cagayan, 46°C; Laoag City, Tuguegarao City ken Baler, Aurora iti 45°C.
Idinto dagiti 6 a lugar ti nakapasar ti 44°C pakairamanan ti Casiguran, Aurora; Sinait, Ilocos Sur; Dumangas, Iloilo; Aborlan, Palawan; San Jose, Occidental Mindoro ken Coron, Palawan.
Dagiti lugar a nakapasar ti 43°C heat index ket ti NAIA Pasay City, Metro Manila; Batac, Ilocos Norte; Bayombong, Nueva Vizcaya; Ambulong, Tanauan, Batangas; Puerto Princesa City, Palawan; Virac, Catanduanes; Iloilo City, Iloilo; Guiuan, Eastern Samar; ken Zamboanga City, Zamboanga del Sur.
Nakairekord met ti 42°C ti Science Garden, Quezon City, Metro Manila; Clark Airport, Pampanga; Munoz, Nueva Ecija; Cubi Pt., Subic Bay, Olongapo City; Sangley Point, Cavite; Legazpi City, Albay; Pili, Camarines Sur; Roxas City ken Mambusao, Capiz; La Granja, La Carlota, Negros Occidental; Dipolog, Zamboanga del Norte; Davao City, Davao del Sur ken Butuan, Agusan del Norte.
Ti heat index ket isu ti marikna iti bagi ti maysa a tao iti baet ti kinabara ti panawen.
Kabayatanna, kuna ni Dr. Ana Solis, ti mangidadaulo iti Climatology department ti Philippine Atmospheric, Geophysical, and Astronomical Services Administration, ti mapaspasaran a kinapudot ket heat extreme gubuay iti El Niño phenomenon ken summer season.
