LAOAG CITY – Pormal a nagsapata ni Zambia President Hakainde Hichilema para iti maikadua a terminona.
Daytoy ket kalpasan a naarestar ti kalabanna a ni Brian Mundubile gapu iti kaso a treason.
Na-sweep ni Hichilema ti eleksion idi Agosto 13 no sadinno nakagun-od daytoy ti 60 a porsiento a botos kabayatan a ti kalabanna ket 38 a porsiento laeng.
Gapu iti daytoy, immapela iti korte ni Mundubile ken naisangyangkat iti maikadua a daras ti panagbilang ti botos.
Pati dagiti observers manipud iti European Union ti agduadua wenno saan a mamati iti resulta no sadinno adda nakapuy a beripikasion iti baet ti digital entries ken paper record.
Naamoan a ni-raid dagiti otoridad ti lugar ni Mundubile maysa nga aldaw kalpasan iti eleksion gapu ta adda pakainaiganna iti panangpapatay iti dati a cabinet ministers ken panagarestar iti sumagmamano a kalaban iti pulitika.
Mainaig iti daytoy, naarestar ni Mundubile ken iti running mate-na a ni Makebi Zulu kalpasan iti panaglemmeng da iti sumagmamano nga aldaw.
Kabayatanna, nagatendar iti sapata ni Hichilema dagiti presidente ti Kenya, Botswana, Zimbabwe, Namibia ken Tanzania.
Ti agtawen ti 64 a ni Hichilema ket immuna a nagtugaw iti puesto idi 2021 kalpasan ti landslide victory.
