LAOAG CITY – Nakaala ti suporta ni Ukrainian President Volodymyr Zelensky iti panagatendarna iti European Leader’s summit a naisayangkat idiay Paris.
Iti nasao a taripnong ket indauloan ni French President Emmanuel Macron ken British Prime Minister Keir Starmer a mangipatulod ti reassurance force iti Ukraine tapno malabanan ti aniaman a panangraut ti Russia.
Kalikagumda nga ikkan ti deadline ti Russia tapno masigurado a maipatpatungpal ti ceasefire.
Kiniddaw ni outgoing German Chancellor Olaf Scholz a nasken a saan a maikkat ti sanctions nga inpataw iti Russia agingga a magun-od ti Ukraine ti pudno a kinakappia.
Naammoan nga uray inakusaran ti European leaders ni Putin a pinagsisina isuda ket inpetteng latta ni Zelensky a makitinnulong iti Estados Unidos.
Innayonna a napateg ti tulong ti Estados Unidos tapno agbalin a napigsa ti Ukraine.
