LAOAG CITY – Nairekord ti Philippine National Police (PNP) ti zero crime incidents idiay Davao Oriental kalpasan a timmama ti dua a nagsaruno a napipigsa a gingined iti probinsia.
Inbatad ni Philippine National Police Community Affairs Division Chief PCol. Esmeraldo Osia Jr., awan ti nairekord nga aniaman a krimen wenno looting iti probinsia iti baet kadagiti mairekrekord a panagdayyeg.
Malaksid iti daytoy, nangi-deploy ti sumurok dua a ribu a pulis idiay Davao Oriental kas paset ti pannakaipatungpal ti kinaurnos ken seguridad kadagiti evacuation centers ken iti sibubukel a Davao.
Daytoy ket malaksid pay iti Reactionary Standby Support Force nga isu ti naka-standby met no bilang kasapulan pay ti augmentation kadagiti maiwaywayat nga operasion iti lugar.
Kabayatanna, agtultuloy met iti pannakaisayangkat ti monitoring ti Philippine National Police para kadagiti baro nga updates ken agdama a situasion dagiti residente iti nasao a probinsia.
