LAOAG CITY – Pormalen a nagsapata kas Mayor ti New York City ni Zohran Mamdani.
Ti agtawen ti 34 a ni Mamdani ket maika-112 a Mayor ti New York City.
Ni Mamdani ti kaunaan a Muslim mayor, kaunaan a South Asian mayor ken kaubingan a Mayor iti pakasaritaan ti siudad.
Iti panagbitlana, inbatadna nga itan ti panangrugi ti baro a tukad ti New York.
Inlawlawagna a saanna nga inpagarup a ti dati nga agluglugan laeng iti bus ken subway idi ubing pay laeng iti Bronx ket agbalin a Mayor.
Nagyaman daytoy kadagiti nagannak kenkuana ken ti asawana a ni Rama Duwaji.
Inatendaran daytoy ti naruay a supporters-na iti baet ti kinalamiis ti paniempo.
