LAOAG CITY – Kalpasan ti tallo a dekada, nagpissa ti king vulture chick iti Bronx Zoo, maysa a naisangsangayan a pasamak a maibilang a napateg nga addang iti konserbasion ti nasao a klase.
Nupay kasta, naripar a saan a pudno nga ina ti nangpadakkel no diket babaen ti nasuot a vulture puppet.
Segun iti opisial a rakurak ti zoo, ti namaris ken detalyado a puppet ket inaramid ti Exhibition and Graphic Arts Department.
Gagem daytoy tapno mapadakkel ti tumatayab a saan a maiyasideg kadagiti tattao a mangtartaraken iti daytoy a maysa a napateg nga addang tapno mapagtalinaed a natural ti ugali ti ayup.
Kas nayon nga addang dagiti caretaker ket agsusuot a mangabbong iti rupada ken dadduma a paset ti bagina kabayatan nga agpakpakan tapno saan a maiyasideg ti tumatayab iti maysa a tao.
Saan daytoy ti umuna a gundaway a nagusar ti nasao a wagas ti Bronx Zoo. Sumurok 40 a tawenen ti napalabas, dagiti ornithologist ti zoo ti nangirugi ti nadakamat a technique iti panagpadakkel ti Andean condor chicks, maysa a klase ti nakadakdakkel a tumatayab.
Daytoy a baro a tignay ket paset ti lumawlawa a panangikagumaan a mataripato ken mapaadu dagiti manmano laengen a klase ti ayup iti natalged ngem controlled habitat.
