LAOAG CITY – Dumanonen iti 1.4 milyon a pamilia a Pilipino ti nakapagturposen iti Pantawid Pamilyang Pilipino Program wenno 4Ps kalpasan a nagbalinen dagitoy kas self sufficient wenno dimmur-asen iti panagbiagda.
Inbatad ni Director Gemma Gabuya ti Pantawid Pamilyang Pilipino Program National Program Management Office (NPMO) ti Department of Social Welfare and Development, ti 1.4 a milyon a Pantawid Pamilyang Pilipino Program beneficiaries ket nagbalin a self-sufficient ken addan iti above poverty threshold ti estado ti biag iti babaen ti administrasion Marcos.
Adda ti 12.2 a milyon ti elementaria ken 4.5 a milyon nga high school graduates ti nakaala ti academic diplomas gapu iti nasao a programa.
Manipud iti 1.4 a milyon a Pantawid Pamilyang Pilipino Program a nagbalinen a nanam-ay ti panagbiagda no sadinno nga adda ti 700 a ribu a pamilia ditoy ti nakapagturposen iti programa manipud idi Enero agingga iti Marso 2025.
Kabayatanna, apaman a nakapagturposen iti nasao a programa ti Pantawid Pamilyang Pilipino Program ket maysa a tawen dagitoy nga obserbaren ti Department of Social Welfare and Development ken no ania ti kasapulanda ket tulungan babaen kadagiti dadduma pay a programa ti ahensia kas ti Assistance to Individual in Crisis Situation (AICS) ken partner Local Government Units.
