LAOAG CITY – Inanunsio ti Department of Social Welfare and Development (DSWD) a mangrugin ti panangipaay ti tulong pinansial kadagiti probinsia inton Mierkoles, Abril 8.
Daytoy ket kas tulong kadagiti naapektaran iti agtultuloy a panagngato ti presio dagiti produkto a petrolyo iti uneg ti sumurok makabulan.
Basar iti Department of Social Welfare and Development, maipangpangruna a maikkan ti cash relief dagiti agpaspasada kadagiti tricycle kadagiti nagduduma a probinsia.
Adda ti 328,000 a kualipikado a tricycle drivers ti mabenepisiaran iti sag-P5,000 nga ayuda.
Inbatad ni Department of Social Welfare and Development Spokesperson Asec. Irene Dumlao, posible a manayonan pay ti bilang dagiti benepisiario apaman a makumpleto dagiti amin a report manipud kadagiti regional field offices-da.
Naikeddeng nga iparuk-at ita nga aldaw ti Social Welfare Department ti listaan ti payout sites iti kada rehion.
