Nakaawat ti Assistance to Individuals in Crisis Situation (AICS) dagiti sumurok-kumurang 800 a mannalon, tricycle drivers, jeepney drivers ken person’s with disability iti siudad ti Batac.
Babaen iti Department of Social Welfare and Development (DSWD), naipaayan dagiti napili ti sag- P3000 a tulong dagiti indibidual a nadadael ti mula na ken naapektaran ti pagbiagan gapu iti Super El Niño.
Mainaig iti daytoy, nagyaman ti maysa a nabenepisiaran a ni Mr. Gilbert Rugayan, residente ti Barangay San Pedro iti siudad, gapu ta dakkel a tulong ti naawat na a tulong pinansyal ken plano na nga igatang daytoy iti krudo.
Kiniddaw pay ni Rugayan ti pannakapasdek koma ti dam iti siudad tapno adda ti manamnama a pagalaan ti danum a pagsibug kadagiti mula da no panawen ti tikag.Ti Assistance to Individuals in Crisis Situation (AICS) a naipaay kadagiti napili a sektor ket maysa laeng kadagiti solusion ti lokal a gobierno iti siudad ti Batac tapno maalay-ayan ti nakaro nga epekto ti El Niño kadagiti residente iti ciudad.












