Inrakurak ni Presiding officer Chiz Escudeo ti pannakadismaya na ken inawagan na nga “inappropriate” ti rimuar a flame transition iti tengnga ti panagkararag ni Senator Alan Peter Cayetano.
Mainaig iti daytoy, rimuar ti arig-maur-uram nga effect iti maika-44 nga aldaw, Nobiembre 19, 2026 ti impeachment trial ni Vice Presidente Sara Duterte.
Gapu iti daytoy, binalakadan ti Senate Impeachment Court Presiding Officer Escudero ti Senate Public Relations and Information Bureau (PRIB) nga agbalin nga naan-annad kalpasan ti nagbalin nga insidente a nai-flash ti maysa a maur-uram a transition effects.
Kunana pay a dagiti effect ket “well not taken”.
Saan met a nakalibas iti mata dagiti netizens daytoy nga uram effect. Isu nga nagbalin a kontrobersial nangruna ta kagiddan daytoy iti panagkararag ni Ceyatano.
Gapu iti daytoy, insigida a binilin ni Escudero ti Senate Public Relations and Information Bureau (PRIB) nga ikkaten ken i-edit ti nadakamat nga effect manipud iti rekord ti Impeachment Court gapu ta saan daytoy a maitutop iti seryoso a panagdengngeg.
Napasamak ti ‘fiery effects’ iti livestream ti Impeachment trial ti bise presidente iti oras ti alas10:03 ti bigat.












