Inbatad ni Senate impeachment court presiding officer Francis “Chiz” Escudero a dagiti sungbat dagiti testigo a maibilang a saan a makapnek ket saan a makaumanay a pagibasaran tapno ma-contempt dagitoy.
Inlawlawag ni Escudero iti panagtultuloy ti impeachment trial kontra ken ni Vice President Sara Duterte a dagiti testigo ket karbengan da a gundawayan ti naipalaon iti Rule 132, Section 3, ti Rules on Evidence, nga addaan ti
suppletory application kadagiti panangusig, uray nagsapata da iti korte a sungbatan da ti kinapudno dagiti saludsud.
Inpalagip met ni Escudero kadagiti miembro ti korte, karaman ti bukodna a bagi, nga immunan nga inrakurak na a maib-ibusen ti pasensya na kabayatan ti panagtugaw na kas senator-judge iti trial.
Maipalagip a dinillaw dagiti senator-judges ni Davao City accountant Vingelin Bajan, nga indatag a testigo ti depensa gapu iti arigna pananglikliklik ken kinabayag na a nagsungbat kadagiti saludsud kenkuana kabayatan ti impeachment trial ni Vice President Sara Duterte.
