LAOAG CITY – Inbatad ni City of Batac Market Master a ni Mr. Danny Agulay nga in-inoten nga agsubsubli iti dati a naanayas nga operasionna ti merkado publiko iti siudad iti baet ti napasaranna nga uram itay kallabes.
Segun ken ni Market master a dagiti vendors a nauraman ti puesto ket naiwarasda iti bisinidad ti chendaan.
Inbatadna nga agtultuloy iti alisto a pannaka instolar dagiti dibision iti maika-dua a kadsaaran ti Imee building ket intono malpas daytoy, maiyakar dagiti puesto ti vendors a nauraman.
Kabayatanna agtultuloy met iti pannakabakbak ken demolision iti dry section iti chendaan nga iso iti kangrunaan a nauram
Agtultuloy iti panagited ti tulong ti lokal a gobierno ti siudad ti Batac, gobierno national ken dagiti nagduduma a pribado a sektor tapno makabangon manen dagiti vendors a nauraman
Kabayatanna, inbatad ni mayor mark Christian Chua a saanda a pinagbayad dagiti nauraman agingga iti pnagleppas iti daytoy a tawen
Inpasiguradona a tulunganda dagiti nauraman iti amin a kabaelanda tapno makabangonda iti kabiitan a panawen.
