Inadmitir ni Atty. Anel Martin Antero a timmulong daytoy iti legal team ni Vice President Sara Duterte mainaig dagiti kaso a naipila kontra iti Bise Presidente.
Daytoy ket rimuar iti cross-examination ni prosecution counsel Atty. Amando Virgil Ligutan iti impeachment trial ita nga aldaw, Nobiembre 12, no sadinno sinaludsod na ni Antero no maibilang daytoy a naimpusoan a tagasuporta wenno tagasalaknib ni Duterte.
Kas sungbat, inbatad ni Antero a nagbalin daytoy a paset ti legal team ni Duterte mainaig kadagiti sangsangoen ti Bise Presidente.
VC…CUE OUT… THAT CAN FOLLOW
Kinumpirmaran pay ti testigo a nabayag a pagayam na da Duterte ken ti asawa na a ni Atty. Manases Caspio.
Kas paset ti panagsaludsod, inpresentar ni Ligutan ti sumagmamano a social media post ni Antero a nangipakita ti panagsuporta na ken ni Duterte iti nagduduma a gundaway.
Iti babaen dagiti nadakamat a post, tiningiting ti prosecution ti personal a koneksion ti testigo iti Bise Presidente ken no adda pakainaiganna iti panagbalin na a paset ti defense team.
Ni Antero ket maikalima a testigo ti depensa a sumango iti impeachment court. Inpresentar daytoy tapno ilawlawagna ti nagduduma a transaksion nga adda pakainaiggan ken ni Carpio, pakairamanan ti nasurok P205,000 a ginastos iti maysa a restaurant iti Tokyo, Japan idi Mayo 29, 2023.
Segun iti depensa, kadua ni Antero ni Carpio iti nadakamat a biahe ken inusar ti credit card ni Carpio tapno bayadan ti restaurant bill.
Inlawlawag pay ti testigo a naggugudwa iti bayad dagiti kadua da iti grupo, idinto a binayadanda ti bukodda a paset ti gastos.
Maipalagip a nakapokus ti agdama a panangusg iti Article II ti impeachment complaint kontra ken ni Duterte a mangtratar ti alegasion ti unexplained wealth ken saan nga umbo a deklarayon ti bukod na a sanikua iti Statement of Assets, Liabilities and Net Worth (SALN).
