Inbatad ni Atty. Domingo Egon Cayosa, dati a Presidente ti Integrated Bar of the Philippines a ti umuna a testigo ti defense team ni Vice President Sara Duterte ket maysa a ‘disappointment’ ken saan a makatulong iti Bise Presidente.
Gapu iti posision ni Davao City Assessor Engr. Jaime Adalin kas maysa a kangatoan nga opisial ti siudad ti Davao, rumbeng nga ammo na koma dagiti sanikua iti lugar no sadinno a kasapulan nga ideklarar dagiti agtagikua.
Kuna na pay a mismo a ni Adalin ti mangilawlawag mainaig iti akusasion nga adda dagiti real estate properties ti Bise Presidente a saan na nga inkabil, inlemmeng wenno saan nga umno dagiti impormasion a naikabil iti Statement of Assets, Liabilities and Net Worth wenno SALN-na.
Innayon na a kas ‘friendly witness’ iti depensa ket masapul a masungbatan ken leppasen dagiti akusasion.
Nupay kasta, iti testemonia ni Adalin ket nagbalin nga ‘inconsistent’ wenno saan nga agsusurot dagiti sungbatna ken nagswitik pay daytoy kabayatan ti cross-examination iti prosekusion ken dagiti senator-judges.
Inpetteng ni Cayosa nga imbes a makatulong ni Adalin tapno ilawlawag wenno salakniban ti Bise Presidente mainaig iti akusasion ket nagbalin pay a riribok.
Gapu iti daytoy, nagbalin a kwestionable ti kredibilidad ti Davao City Assessor aglalo iti saan ti panangirakurak na a saanna a malagip dagiti simple a saludsod dagiti abogado ken dagiti senador mainaig iti panagbiahe-na iti China.
