LAOAG CITY – Inlawlawag ti Korte Suprema a saan nga election postponement law ti Republic Act 12326 no diket term-fixing law iso a saan a sakupen ti pagalagadan iti 2023 ruling iti Macalintal V.
Basar iti Korte Suprema, ti panangikeddeng ti Barangay and Sangguniang Kabataan Elections (BSKE) intono Nobiembre 2028 ket panangipatungpal laeng ti baro a lima a termino dagiti barangay official.
Mainaig iti daytoy, adda karebbengan ti Kongreso a mangikeddeng ken mangbaliw ti termino dagiti opisial ti barangay, no adda nasayaat a rason ti panawen a maikeddeng sakbay a mangrugi ti baro a termino.
Imbilang ti Korte Suprema nga adda nasayaat a rason ti Nobiembre 2028 gapu ta naudi a naelektaran dagiti agdama nga opisial idi Oktubre 30, 2023.
Naikonsiderar pay ti kasapolan a panangliklik ti panaggiddan ti panagsagsagana ti COMELEC para iti May 2028 national elections ken ti posible a pannakaigiddan ti BSKE iti 2031 elections.
Gapu iti daytoy, nagdesision ti Korte Suprema nga awan ti paglabsingan ti linteg ti substantive due process gapu ta agserbi daytoy a lehitimo a kalikagum, pakairamanana ti naurnos a lokal a pannakamanehir ken pannakaituloy dagiti programa iti barangay.
