Nagsagaba ti sugat dagiti agasawa a naglubbon iti maysa a motorsiklo kalpasan a nadisgrasya da iti paset ti Barangay Malasin iti ili ti Bangui gapu iti aso nga adda iti tengnga ti kalsada.
Segun ken ni Police Capt. Irenio Sibucay Jr., ti chief of police iti ili ti Bangui, saan a nakaro dagiti sugat a sinagaba dagiti agasawa gapu ta saan unay a nataray ti nagluganan da a motorsiklo ken nakasuot dagitoy ti helmet.
Innayon na a naitaray a dagus dagiti agasawa iti ospital para iti naan-anay a pannakataming da ken ti pagsayaatan na ket saan a naapektaran ti sikog ti babai kalpasan ti insidente.
Kabayatanna, nagpalagip ni Police Capt. Sibucay kadagiti agtartaraken ti aniaman ti klase na a dingwen a saan a baybay-an nga agwarang-warang dagitoy iti kalsada tapno maliklikan ti aniaman nga insidente aglalo kadagiti motorista.
