Inanunsio ti interior minister ti France a naikeddeng a mangdutok ti 70,000 a kapulisan iti intero a pagilian tapno saganaan ti dandani a protesta inton Sabado, kagiddan ti Halloween.
Segun ken ni Interior Minister Laurent Nunez nga ad-adda a paigetan pay ti security measures kas ti panagusar ti armored vehicle ken water cannon.
Maipalagip nga adda napalawa a protesta iti nagduduma a paset ti France gapu iti panagngato ti presio dagiti magatang ken ngumatngato a gatad ti panagbiag, a nangitunda ti napalawa a looting ken riribok iti nagduduma a paggatangan.
Immabot met iti 2,700 nga indibidual ti naarestar iti napalabas a tignay protesta.
Nupay kasta, nagballaag ni Nunez kadagiti mangisayangkat ti demontrasion kadagiti manggundaway iti Halloween tapno ilemmeng dagiti ruprupa iti pubiko a lugar.
Inawaragawag ti interior minister a palubusan dagiti demonstrasion ngem saan iti “city centers” no sadinno posible a mangrusat ti dakkel a riribok.
Kabayatanna, mangiyuswat ti Yellow vest movement ti maikatlo a tignay protestada iti aldaw ti Halloween iti National Assembly ken iti amin a town halls iti France.
