Inpasingked ti aktres a ni Elisse Joson a naurnus ti co-parenting da ken ni McCoy de Leon para iti anak da a ni Felize, agtawenen ti lima.
Inbatad ti aktres nga uray nagsina dan ken ni McCoy ket inpasigurado da nga agkadwa latta a mangpadakkel ken mangipaay ti kasapulan ni Felize kas nagannak na.
Kuna pay ni Elisse a saan a pulos nga agibbat ti saan a nasayaat a sarita maipanggep iti ama ti anakna.
Innayon a naragsak gapu ta natibker ken naragsak ti relasyon ni McCoy ken ti anakda a ni Felize, ken makita ti panangipateg da iti tunggal maysa.
Inpasigurado pay ni Elisse a saan a karaman ti anak da iti aniaman nga isyu iti nagbaetan da ken ni McCoy.
