LAOAG CITY – Naiyuswat ti naruay a tignay-protesta iti sumagmamano a lugar ti Syria gapu iti agtultuloy a panagngato ti presio ti ti produkto a petrolyo.
Daytoy ket gapu ta inggato ti gobierno ti presio ti diesel iti agingga iti 40 a porsiento idinto a 28 a porsiento ti nagngatoan ti gasolina.
Gap iti daytoy, sumagmamano nga oras a linappedan dagiti nagprotesta ti kangrunaan a kalsada.
Sumagmamano laeng kadagiti lugar a nakaro ti protesta ket kadagiti paset ti Hama, Khan Sheikhoun ken Maarat al-Numan.
Segun ken ni Syrian Energy Minister Mohammed al-Bashir, agdama a patpatauden ti pagilianda ti 102,000 a bariles ti lana iti kada aldaw bayat nga agkasapulanda ti agarup 325,000 a bariles iti kada aldaw para iti inaldaw a konsumo dagiti umili a rason tapno agpannurayda iti imported oil a mangsupusop iti pagkurangan daytoy.
Impasigurado ti Ministry of Energy nga adalenda ti presio ti sangalubongan a merkado no sadinno nga agbaliwbaliw ti kasasaad ti global market condition.
