LAOAG CITY – Inpetteng ti Department of Foreign Affairs (DFA) ti legal a kapasidadna a mangi-isyu ti Philippine visa, kalpasan ti nagbalin a rakurak ni Ombudsman Jesus Crispin Remulla a ti laeng Department of Justice (DOJ) ti adda karbenganna a mangi-isyu ti nasao a visa.
Segun iti Department of Justice (DOJ), nalawag a nakabasar iti Administrative Code of 1987 dagiti konsulado ti Pilipinas a mangi-isyu ti visa ken saan daytoy a mabalin nga ipaay ti Department of Justice iti uray siassinoman.
Kinondenar pay ti ahensia ti rakurak ni Remulla a maiyakar iti pribado a service provider ti panangiproseso ti visa.
Mainaig iti daytoy, inlawlawag ti ahensia a mabalin a tumulong dagiti pribado a kumpanya iti panagawat ken panangipaalisto ti panagaplikar, ngem masapol ti panagtalinaed ti trabaho ti gobierno a mangtingiting, mangaprubar wenno saan a panangakseptar kadagiti aplikason.
Iti baet daytoy, insalakan met ti Department of Foreign Affairs (DFA) ti 4-day visa-free para kadagiti Chinese national, a naipatungpal kas paset ti pammilin ni Presidente Ferdinand Marcos Jr. para iti pannakaipapigsa ti panagpuunan, turismo ken relasion dagiti Pilipino ken dagiti Tsino.
