Inbatad ni Mr. Cocoy dela Rosa, District Officer ti Land Transportation Office (LTO) ditoy siudad ti Laoag, a nagtalinaed nga adda dagiti backlogs da.
Malaksid iti daytoy, inpakaammo na nga agtultuloy a bumabbaba ti bilang dagiti backlogs gapu ta agtultuloy met ti pannakaiproseso dagitoy.
Mainaig iti daytoy, no ikumpara ti bilang ti backlogs idi napalabas a tawen ket adda ti nagbabaan na iti agdama.
Inbatad na nga addan dagiti simmangpet a replacement plates dagiti pribado a lugan ken addan ti umdas a supply ti license card a pakaimprentaan ti driver’s license.
Kabayatanna, kiniddaw na kadagiti motorista ditoy probinsia a no adda pay dagiti saan a nakaala ti lisensia wenno plaka na ket agturongda laeng ti Land Transportation Office (LTO) tapno maiproseso dagitoy.
