LAOAG CITY – Inpaayan ti Land Transportation Office (LTO) ti dua a tawen a revocation of driver’s license ti beterano nga actor ken negosiante a ni Niño Muhlach.
Daytoy ket kalpasan a mairaman ni Niño iti insidente a napasamak iti Marcos Highway iti Antipolo City, Rizal idi Agosta ita a tawen.
Nadungpar ti actor ti maysa a pasdek negosio iti lugar ken ti maysa a motorista.
Basar iti resulta tyi imbestigasion nga inwayat ti LTO, daytoy ket gapu iti nakaro a kinabannog ti Niño a rason a mapukawan ti kontrol ti luganna.
Tallo a pasdek negosio ti inarado ti komediante bayat a maysa a motor rider ti nasugatan.
Gapu iti pannusa ti LTO, agtalinaed a naka-alarm status ti lugan ti actor tapno maipatungpal ti multa ken maliklikan ti aniaman a transaksion a pakairamanan daytoy.
