LAOAG CITY – Kinarit ni Davao City 1st District Representative Paolo “Pulong” Duterte ti administrasyon nga iparuk-at iti publiko ti maipagarop a warrant of arrest kontra ken ni Senador Ronald “Bato” dela Rosa ken ilawlawag ti legal a pagibasaran ti proseso.
Kwinestyunaran ni Duterte ti maipagarop a panaglabsing iti due process ken inyarig na daytoy ti pannakaikabil ni dati a Presidente Rodrigo Duterte iti The Hague, Netherlands.
Inpetteng ti kongresista a masapol nga ipatungpal ti Konstitusyon ken Rule of Law iti amin a gundaway, aniaman ti kinatao ti karaman iti kaso.
Ginutigot na pay dagiti pulis a saan nga agpausar iti aniaman nga operasyon a mabalin a manglabsing iti karbengan dagiti umili.
