LAOAG CITY – Aglamlamang ni veteran Prime Minister Benjamin Netanyahu kontra iti kalaban na a dati a military chief a ni Gadi Eisenkot iti manarimaan nga eleksyon ti pagilian.
Iti agdama, 85.6% ti nalpasen a nabilang a balota, no sadinno a ti partido ni Netanyahu ti addaan ti kadakkelan a botos a 53 seats manipud iti 120-seat Knesset, idinto nga iti partido ni Eisenkot ken dagiti tallo pay a Jewish opposition parties ket addan ti napagtitipon a botos a 48%.
Kabayatanna, ti 430,000 agingga 480,000 a “double-envelope” ballots, a nagbotosan dagiti suldado, pulis, diplomat ken dadduma pay a botante, ket saan pay a nabilang.
Manamnama ti pannakaipublikar ti naan-anay a bilang dagiti botos ita nga aldaw, kabayatan a ti opisial a pinal a resulta ket manamnama met a maipakaammo iti publiko intono Nobiembre 4.
