Naiyalud-od ti maipatpatungpal a curfew iti sumagmamano a lugar idiay Paris kalpasan a nangipatungpal ti total ban iti Marseille ken Lyon kadagiti maipatpatungpal a tignay-protesta.
Manamnama pay ti pannakapaserra ti museum iti Louvre, Orsay ken Picasso iti French capital gapu iti manamnama a panagado pay dagiti maisayangkat a tignay-protesta.
Namonganay dagiti nadamsak a tignay protesta iti lugar gapu iti mapaspasaran a krisis ti ekonomiya ken panagbaba ti kalidad ti edukasyon, a nangitunda pay kadagiti napasamak a panagtakaw kadagiti establisimiento, pannakauram dagiti behikulo ken dagiti historic buildings.
Kabayatanna, inbatad ti Interior Minister ti France a nayunan da pay ti 20 a porsiento dagiti agdaman a nakadeploy a pulis iti France.
Umabot metten ti 2,700 a tattao ti naarestar iti France idinto a nasurok a 1,000 ti naipasangon iti korte no sadinno a kagudua dagiti naibalud ket awanan ti criminal record
