Nagpanawagan ni French President Emmanuel Macron ti panagbalin a kalmado ket pagtalinaeden ti linak, urnus ken talna kalpasan ti sumagmamano nga aldaw a nadamsak a tignay protesta idiay Paris.
Iti national address iti Élysée Palace, nagballaag ni Macron kadagiti makipaspaset iti nadamsak a tignay protesta nga agpapada da amin a makarikrikna ti pungtot ken pannakaibabain.
Maipalagip nga umabot iti 550,000 a demonstrador ti nagtitipon kadagiti kalsada tapno mangipatungpal ti tignay protesta kontra iti panagngato ti presyo dagiti produkto a petrolyo, panagbaba ti ekonomia ken ti kalidad ti edukasion idiay France.
Umabot metten ti agarop 2,400 a tattao ti inarestar dagiti otoridad gapu iti mapaspasamak a tignay protesta idiay France.
Malaksid iti tignay protesta ket mangipatpatungpal pay dagiti dadduma a demonstrador ti panagtakaw kadagiti naruay nga establisimiento ken vandalism iti City hall ken dadduma a negosyo iti sumagmamano a ciudad.
Adda met dagiti demonstrador a nagpuur kadagiti sumagmamano a pasdek, behikulo ken kadagiti kalsada.
