Nagballaag ti Department of Health (DOH) iti publiko kontra iti dakes nga epekto iti salun-at ti cadmium, ti toxic metal a masarakan iti vape aerosols.
Inbatad ti Department of Health a ti Cadmium ket makadadael iti kidney ken tultulang, ken ti nakaro nga exposure iti daytoy ket mangitunda iti dakkel a risgo iti cancer.
Ginutigot ti Department of Health ti publiko aglalo dagiti agtutubo a liklikan ti panagusar ti vape.
Mainaig iti daytoy, inrakurak ti ahensya a suportaran na ti panawagan a pannaipatungpal ti nangato a buwis ti nasao produkto.
