LAOAG CITY – Addan iti ospital ni Pope Leo XIV tapno dumalan iti operasion.
Basar iti Vatican, adda iti Agostino Gemelli University Policlinic Hospital ti agtawen 71 nga Santo Papa tapno maikkat ti “nodule”-na iti bara.
Ti nodule ket nabukel a tissue a boluntario a dumakdakkel.
Naamoan nga adda special suite a kuarto iti nadakamat nga ospital para iti Santo Papa iti maika-sangapulo a tukad.
Ti nadakamat a kuarto ket inawagan idi ni Pope John Paul II kas “Vatican three” gapu ta masansan daytoy a maikabil iti ospital.
Gapu ta dumalan ti Santo Papa iti operasion, nakanselar amin a public events-na agingga Oktubre 20.
Kabayatanna, agtultuloy ti trabaho ti Vatican kabayatan nga adda iti pagagasan ti Santo Papa ngem ikanselarda ti aniaman a dokumento a kasapulan ti pirma ti Santo Papa.
