LAOAG CITY – Rinugianen ni Pope Leo XIV ti panagbisitana iti sumagmamano a pagilian idiay South Amerika tapno trataren dagiti nagduduma nga isyu a sangsangoen ti rehiyon.
Manamnama nga agpaot ti 12 nga aldaw ti panagbisitana iti sumagmamano a lugar nga addaan ti dakkel a populasion ti Katoliko ken agdama a sumangsango iti nakaro a problema iti politika.
Immuna a nagturong ti Santo Papa idiay Uruguay, maysa kadagiti pagilian iti Latin Amerika a mabigbigbig nga addaan ti napintas a demokrasia.
Manipud iti Urugay, manamnama a ti sumaruno a panagturong ti Santo Papa ket idiay Argentina ken Peru.
Maipalagip nga iti laeng napalabas a bolan ket dimmalan iti operasion iti bara ti agtawen 71 a Santo Papa.
Mainaig iti daytoy, namnamaen ti Vatican ti agtultuloy a panagimbagna manipud iti napalabas nga operasion na.
