LAOAG CITY – Napalubosanen a makaruar iti Gamelli Hospital ni Pope Leo XIV kalpasan ti panangkumpirmar ti doktorna a natalgeden ti bagina.
Segun iti Holy See Press Office, dimmalan ti Santo Papa idi Sabado kadagiti tests, pakairamanan iti dara ken X-ray, no sadinno basar kadagiti resulta iti tests-na ket mabalin daytoyen a rumuar iti ospital.
Gapu iti daytoy, agsublin ti Santo Papa iti Vatican, no sadinno manamnama ti panangidaulona iti panagdayaw ti Angelus manipud iti tawa ti apartment-na.
Maipalagip nga idi Oktubre 11 iti daytoy a tawen, naduktalan ti bassit a bukol iti bagana a rason ti panaginanana ti sumagmamano nga aldaw tapnon agpaimbag.
