Nangipaay ti aktres a ni Julia Montes ti napnuan kaipapanan a mensahe na iti partner na aktor/direktor a ni Coco Martin iti maika-45 a panagkasangayna.
It post ni Julia iti social media, kinablaawan na ni Coco kagiddan ti panangibaga na nga iti baet ti kinaado dagiti pannubok iti biagda ket dakkel latta ti panagyaman na gapu ta kanayun nga adda iti abayna ti aktor.
Mensahe pay ni Julia a nakita na ti kinatibker ti aktor, dagiti sakripisyo, arapaap ken ti awan makaartap a panangipateg na iti pamilya na.
Innayon ni Julia a saan koma a liplipatan ni Coco nga amin nga araramiden na ket maaprisyar na unay, kagiddan ti panangirakurak na a maipannakkel na unay ti aktor.
Inpasingked pay ti aktres nga aniaman ti mapasamak ket adda latta daytoy iti sibay ti aktor a mangsuporta ken mangipateg kenkuana.
Mainaig iti daytoy, kuna ni Julia nga awan ti sabali nga arapaap na para iti aktor no saan a ti kanayun a nasalun-at ken addaan ti naragsak ken natalna a panagbiag.
