LAOAG CITY – Impasigurado ni General Manager Perry Martinez ti agtultuloy a suportana iti Ilocos Norte Electric Cooperative wenno INEC iti baet ti pannakadutokna kas Presidente ti Electric Cooperatives Association (ECA).
Segun kenkuana, dakkel nga oportunidad iti nasao a kooperatiba ti naipaay a gundaway gapu ta alalisto a maiyasideg dagiti kalikagom ken problema ti nasao a kooperatiba iti Philippine Rural Electric Cooperatives Association wenno PhilReca .
Mainaig iti daytoy, kunana nga itultuloyna ti panangipaay ti nasayaat a serbisio na iti kooperatiba babaen ti panangisurona kadagiti Managers iti laksid nga ammo na a kaya da ngem masapol ti naan-anay a mangbayabay kadakuada.
Innayonna a no adda ti maipaay a tulong kadakuada ket adadda pay nga ilalaingna ti serbisio para kadagiti umili no man pay pay adda dagito gundaway a kaykayat na ti agmaymaysa.
