LAOAG CITY – Inpasigurado ti Ilocos Norte Electric Cooperative nga agtultuloy ti tarigagayda a mangipadanon ti naraniag nga aglawlaw uray aniaman a paset a lugar ditoy probinsia babaen ti rural electrification program nga inrubuat ni daydi dati a Presidente Ferdinand Marcos Sr. a manarimaan nga idadauloan ni General Manager Cipriano “Perry” Martinez III.
Basar iti Ilocos Norte Electric Cooperative, umabot’en iti maipagarup 200,000 member-consumer-owners manipud iti 559 a barangay iti intero a probinsia ti serserbian ti ahensiada.
Innayonda pay nga iti agdama a tawen, naipadanon’en dagiti electrification projects iti 229 a pagtaengan ken 470 a pamilia a nabenepisiaran ken maipagarup 2,380 nga indibidual ditoy probinsia babaen ti line extension.
Mainaig iti daytoy, inpanagetget ti Ilocos Norte Electric Cooperative nga saan laeng nga daytoy ti pagpatenggaanda no di ketdi itultuloyda pay ti gagemda a mangikonektar uray iti kaadaywan a paset ti probinsia .
Kabayatanna, inlawlawag ti nadakamat nga ahensia a itultuloyda ti pannakaipatungpal ti rural electrification program tapno mapasilawan dagiti pagtaengan a saan pay a nadanonan ti ahensiada.
