LAOAG CITY – Naawaten ti kampo ni Vice President Sara Duterte ti imbitasion anipud iti National Bureau of Investigation (NBI) para iti maysa a conference mainaig kadagiti statement wenno rakurak ni Rudolfo Gracioso Jr. mainaig iti maipagarup a panangipatulodna ti minaleta a kuarta iti pamilia Duterte.
Nupay kasta, inpaganetget ti abogado ti Bise Presidente a ni Atty. Paul Lawrence Lim nga awan nakapasurot a kopia ti insapata a rakurak ni Gracioso iti naawatda a surat manipud iti ahensia.
Gapu iti daytoy, inpaiyawatda ti legal counsel a saan a makaipaay ti aniaman a nabileg a sungbat wenno rakurak ti kliyenteda iti agdama agingga awan pay ti nadakamat a dokuento.
Kabayatanna, porma nga nagkiddaw ti kampo ni Duterte ti opisial a kopia ti affidavits ken dadduma pay a maitutup a kasuratan tapno maurnos ti panangtingiting dagiti abogadona.
Kagiddan daytoy, pormal nga inkiddaw ti legal team ni Vice President Sara Duterte nga itantan ken iyakar iti Oktubre 8 ti naikeddeng a panagatendar iti conference.
