LAOAG CITY – Inbatad ni National Bureau of Investigation Director Atty. Melvin Matibag a saan a nasdaaw iti nagbalin a komento ni Vice President Sara Duterte no sadinno a naglikudan na a kukuana dagiti lote a maibagbaga a saan a naideklarar iti Statement of Assets, Liabilities, and Net Worth wenno SALN-na.
Inbatad ti direktor a ninamnama na a paglikudan ti Bise Presidente dagiti sanikua na iti baet nga adda ti nalawag nga ebidensiada.
Gapu iti daytoy, patien ni Matibag a ti kapintasan nga aramidenna ket ti personal a panangbisita ti lote iti Barangay Catigan, Davao City a basar iti Statement of Assets, Liabilities, and Net Worth ket naideklerar kas maysa nga ‘agricultural land.’
Maipalagip nga idi Oktubre 12, inbatad ni NBI Director Matibag nga isumitir da iti Office of the Ombudsman dagiti ebidensia a naurnongda iti imbestigasion mainaig iti daytoy.
