LAOAG CITY – Maragsakan ni Atty. Ferdinand Ignacio, nangipila ti reklamo kontra iti maysa a Mayor iti ili ti Paoay iti imparuk-at a desision iti Office of the Ombudsman a pannakasuspenso ni Mayor Galano iti 90 nga aldaw.
Segun kenkuana, ti rason ti panangipilana ti reklamo iti nasao a Mayor ket gapu iti maipagarup a panangdadaelda iti nagana kabayatan iti panawen ti eleksion.
Inbatadna a kabayatan ti panangsuratna ti reklamo iti nasuspenso a mayor pakaseknan iti reklamona iti maysa nga indibidual a naglabsing iti re-appointment a simmubra ti tawen ti panagserbi ti maysa nga opisial ngem saanna daytoy nga inpaayan ti naan-anay nga atension gapu iti napalabas a susikda ken ni Ignacio.
Gapu iti daytoy, nagturong ni Atty. Ignacio iti Office of the Ombudsman idi Oktubre 2024 para iti pannagipilana ti reklamo nga abuse of authority ken grave misconduct kontra iti Mayor ket kalpasan ti dua a tawen ket naiparuk-aten ti desision a naiserbi iti naireklamo a Mayor.
